Cynhelir yr ŵyl yn Venue Cymru, Llandudno, gyda theatr, canolfan gynadledda ac arena. Bu theatr yno ers 1894. Fe’i galwyd yn wreiddiol yn Victoria Palace, a dim ond adeilad dros dro yr oedd i fod ond daeth yn dirnod ar y promenâd am dros fwy na 100 mlynedd.

Ym 1915, prynodd Wil Caitlin y theatr a’i hail enwi yn Arcadia. Roedd 1147 o seddau yn yr Arcadia a hon oedd yr unig un o chwe theatr Llandudno i oroesi dros y blynyddoedd.

Ym 1982 agorodd Canolfan Aberconwy drws nesaf i theatr yr Arcadia. Roedd yna le cynadledda ar gyfer mwy na 1000 o bobl yn ogystal â chanolfan sboncen, gwelyau haul a chyfleusterau badminton!

Ym 1994 caeodd y llen ar yr Arcadia, ac ailddatblygwyd ac ailenwyd  Canolfan Aberconwy a ganwyd Theatr a Chanolfan Gynadledda Gogledd Cymru. Roedd ynddi awditoriwm â 1500 sedd. Roedd y ganolfan drws nesaf yn darparu amrywiaeth o gyfleusterau cynadledda gan gynnwys neuadd 700 metr sgwâr.

Anghofiwyd am theatr wreiddiol yr Arcadia a bu yno yn adfeilio tan fis Gorffennaf 2005 pan ddechreuodd gweithwyr weithio ar brosiect £10.7 miliwn i wella ac ailddatblygu’r cyfleusterau yn y ganolfan. Lle safodd yr Arcadia unwaith, adeiladwyd atriwm gynadledda newydd.

Tua’r gorllewin o’r adeilad a oedd yn sefyll, adeiladwyd estyniad arall gan ddarparu bar caffi, tŷ bwyta, gofod swyddfa a chyfleusterau swyddfa docynnau gwell. Ariannwyd y gwelliant hwn gan Gyngor Bwrdeistref Sirol Conwy a’i bartneriaid.

Mynnodd y ganolfan enw newydd, byrrach, dwyieithog. Yn 2005, lansiwyd cystadleuaeth i ailenwi’r ganolfan. Agorodd Venue Cymru yn swyddogol yn 2007 ac mae wedi cael ei ddisgrifio fel cyfnod newydd ar gyfer adloniant, cynadledda a digwyddiadau yn Llandudno.

I gael rhagor o wybodaeth ewch i www.venuecymru.co.uk