Eleni, gall corau pryderus fwynhau perfformiad gan y Mezzo-soprano Sioned Terry wrth iddynt aros am eu canlyniadau. Wrth i’r beirniaid ddyfarnu, bydd Sioned yn diddanu’r gynulleidfa gyda’i repertoire amrywiol sy’n cynnwys clasuron poblogaidd Lieder, Oratorio, cerddoriaeth Gymreig a theatr cerdd.

Mae Sioned wedi cael y fraint o ganu cerddoriaeth newydd sbon ar gyfer y llais a’r Delyn gyda'r delynores enwog Cartin Finch, gan berfformio mewn lleoliadau mawreddog fel Eglwys Gadeiriol Tŷ Ddewi, Sir Benfro a Neuadd y Dref Cheltenham. Fel gwraig, mam ac athrawes gerddoriaeth brysur, mae’n syndod fod Sioned yn cael amser i berfformio mewn amrywiaeth mor fawr o ddigwyddiadau a gwyliau cerddorol, a'r diweddaraf ohonynt oedd Gŵyl Gerddorol Glasurol Conwy.

Mae Sioned wedi profi llwyddiant ar y llwyfan Cenedlaethol a Rhyngwladol ac wedi ennill teitlau yn y gorffennol yn Eisteddfod Genedlaethol Cymru ac Eisteddfod Gydwladol Llangollen.

Cynhelir Gŵyl Gorawl Gogledd Cymru yn Venue Cymru, Llandudno ddydd Sadwrn 6 Tachwedd. Gallwch gystadlu drwy lawrlwytho’r ffurflenni o’r wefan hon. Gallwch hefyd archebu tocynnau ar gyfer cystadlaethau’r dydd a’r nos drwy glicio ar y ddolen gyswllt ar y dudalen gartref.