Cynhaliwyd gŵyl 2007 ddydd Sadwrn 3 Tachwedd ac roedd yn llwyddiant mawr. Daeth corau o bob rhan o’r DU ac Iwerddon i Landudno i ddathlu 20 mlynedd o’r ŵyl ac ni chafodd y gynulleidfa eu siomi.

Roedd S4C yn bresennol i ffilmio dau o’u corau ar gyfer y gyfres ‘Codi Canu’, ond ar ôl cynnal cystadlaethau drwy’r dydd, côr arall o Gymru a enillodd, sef Côr Iau Glaenaethwy, a gafodd eu henwi yn enillwyr cyffredinol.

Cafwyd diwrnod arbennig ac mae’r trefnwyr yn edrych ymlaen at weld llawer o’r corau yn dychwelyd eto yn 2008!